CSR სიახლეები

გლობალური ფულის კვირეული 2022

გლობალური ფულის კვირეული 2022

2022-03-26

22-დან 25 მარტის ჩათვლით, გლობალური ფულის კვირეულის ფარგლებში, "ემბისი"-ს თანამშრომლებმა IV-VI კლასის მოსწავლეებისთვის ონლაინ გაკვეთილები ჩაატარეს.

"ემბისი"-ს წარმომადგენლები ონლაინ სივრცეში 10 სკოლის 180-მდე მოსწავლეს შეხვდნენ და მათთან ერთად იმსჯელეს ისეთ თემებზე, როგორიცაა: ფულის ისტორია, ფულის მართვისა და დაზოგვის მნიშვნელობა.

პროექტი საქართველოს ეროვნული ბანკისა და ფინანსური განათლების პორტალ - ფინედუს ორგანიზებით ჩატარდა და მისი სახელწოდებაა "მოიწვიე ფინედუს დესპანი კლასში".

გლობალური ფულის კვირეული მსოფლიოს 170-ზე მეტ ქვეყანაში და მათ შორის საქართველოშიც ყოველწლიურად აღინიშნება. ფულის კვირეულის მიზანია ბავშვებსა და დიდებში პირადი ფინანსების მართვის სარგებლიანობის შესახებ ცოდნის ამაღლება. კვირეულის წლევანდელი დევიზია "შექმენი შენი მომავალი, მოეპყარი გონივრულად ფულს!"

გლობალური ფულის კვირეული 2022